اسلام آباد: پیپلزپارٹی کے رہنما قمر زمان کائرہ کا کہنا ہے کہ الیکشن کمیشن کی جانب سے تاریخ دینے سے غیر یقینی صورتحال میں بہتری آئے گی۔
قمر زمان کائرہ نے کہا کہ پیپلزپارٹی کا الیکشن کرانے کا آئینی مؤقف ہے، جو اپنی جگہ ٹھیک ہے، پیپلزپارٹی کے چیئرمین بلاول بھٹو زرداری نے مطالبہ کیا تھا کہ الیکشن کی تاریخ دے دی جائے، الیکشن کمیشن نے تاریخ دے دی، عمومی طور پر غیر یقینی کی جو صورتحال ہے اس میں بہتری آئے گی۔
پیپلزپارٹی کے رہنما نے مزید کہا لیول پلیئنگ فیلڈ کا اس ایشو سے کوئی تعلق نہیں، وہ ایک الگ ایشو ہے۔
