لاہور: قومی ٹیم کے اوپنر فخر زمان ورلڈکپ میں زیادہ چھکے لگانے والے دوسرے پاکستانی بیٹر بن گئے ہیں۔
فخر نے بنگلادیش کیخلاف 81 رنز کی اننگز میں 7 چھکے جڑے تھے، ان سے قبل عمران نذیر نے 2007 کے ورلڈکپ میں زمبابوے کیخلاف میچ میں 8 بار گیند کو فضائی روٹ سے گراؤنڈ سے باہر پہنچایا تھا۔
افتخار احمد حالیہ ایڈیشن میں افغانستان کیخلاف 4 چھکے لگا کر تیسرے نمبر پر موجود ہیں۔
یاد رہے کہ جنوبی افریقی ٹیم رواں ورلڈ کپ کے 7 میچز میں سب سے زیادہ 82 چھکے لگا چکی ہے جوکہ ایک ایونٹ میں کسی بھی ٹیم کی جانب سے سب سے زیادہ چھکے ہیں، اس سے قبل یہ ریکارڈ انگلینڈ کے پاس تھا جس نے 2019 کے پورے ورلڈکپ میں 76 چھکے لگائے تھے۔
