ڈیوس کپ گروپ ون ٹائی کے پہلے سنگلز میچ میں بھارت نے کامیابی سمیٹ لی

اسلام آباد:ڈیوس کپ گروپ ون ٹائی کے پہلے سنگلز میچ میں بھارت کامیابی حاصل کرلی۔
بھارتی ٹینس اسٹار رام کمار رما ناتھن کے ہاتھوں پاکستانی ٹینس پلئیر اعصام الحق کو شکست کا منہ دیکھنا پڑا، رام کمار نے سخت مقابلے کے بعد 7-6، 6-7، 0-6سے کامیابی سمیٹ لی۔
دوسرے سنگلز میں مقابلے میں عقیل خان کو سری رام بالاجی کے مدمقابل آنا ہے۔

پاکستان ٹینس فیڈریشن کی صدرات کا امیدوار و ٹینس اسٹار اعصام الحق نے کہا کہ بھارتی ٹیم کا دورہ اعزاز کی بات ہے، ہار جیت کھیل کا حصہ ہے، حریف کھلاڑیوں نے شاندار کھیل کا مظاہرہ کیا۔
انہوں نے مزید کہا کہ پاکستان ٹینس فیڈریشن کا صدر بن کے کھیل کے فروغ کیلئے کام کرنے کی کوشش کروں گا، ملک میں بےپناہ ٹیلنٹ موجود ہے۔
یاد رہے کہ ڈیوس کپ مقابلے پاکستان اسپورٹس کمپلیکس اسلام آباد میں جاری ہیں۔