الامارات: نیپال کے دیپندرا سنگھ ایری ایک اوور میں 6 چھکے جڑکر دنیا کے تیسرے بیٹر بن گئے۔
نیپال کے دیپندرا سنگھ ایری نے ایک اوور میں 6 چھکے جڑکر ٹی 20 کرکٹ میں یوراج سنگھ اور کیرون پولارڈ کے ریکارڈ میں ساجھے داری کرلی۔
ایری نے یہ کارنامہ ہفتے کو ایشین مینز پریمیئر کپ میں قطر کیخلاف آخری اوور میں انجام دیا، وہ انٹرنیشنل ٹی 20 میں ایک اوور میں 6 چھکے جڑنے والے دنیا کے تیسرے بیٹر بنے، انھوں نے حریف میڈیم پیسر کامران خان کے اوور میں 36 رنز بنائے ان کی عمدہ کاوش کی بدولت نیپال نے 7 وکٹ پر 210 رنز بنائے۔
ون ڈے انٹرنیشنل کرکٹ میں ہرشل گبز اور امریکا کے جیسکران ملہوترا نے بھی ایک اوور میں 6 چھکے لگائے ہیں۔
