انڈیا اور آسٹریلیا کے درمیان سپر ایٹ کا اہم میچ بارش سے متاثر ہونے کا خدشہ ہے۔
دونوں ٹیمیں پیر کو سینٹ لوشیا میں مدمقابل آئیں گی جہاں بارش کی پیشگوئی کی گئی ہے۔ بارش کی صورت میں اگر میچ منسوخ ہوتا ہے تو اسکا فائدہ بھارت اٹھائے گا کیونکہ وہ پہلے ہی سپر ایٹ راؤنڈ میں اپنے دو میچز جیت چکا ہے۔
گروپ اے میں انڈیا چار پوائنٹس کے ساتھ پہلے، آسٹریلیا دو پوائنٹس کے ساتھ دوسرے، افغانستان دو پوائنٹس کے ساتھ تیسرے اور بنگلا دیش صفر کے ساتھ چوتھے نمبر پر ہے۔
آسٹریلیا کو اپنے آخری میچ میں افغانستان کے ہاتھوں اپ سیٹ شکست کا سامنا کرنا پڑا تھا۔
