لاہور:لاہور میں غیرملکی جرمن سیاح کو چند دن قبل لوٹنے والے 3 ملزمان کو گرفتار کر لیا گیا، ملزمان سے چھینا گیا کیمرہ اور موبائل فون بھی برآمد کر لیا گیا۔
پولیس ذرائع کے مطابق جرمن سیاح سے واردات کرنے والے 3 ملزمان کو غازی آباد اور برکی کے علاقے سے گرفتار کیا گیا ہے۔
ملزمان نے شمالی چھاؤنی کے علاقے میں جرمن سیاح سے واردات کر کے موبائل فون اور ایک کیمرہ چھینا تھا۔
خیال رہے کہ ایک روز قبل پنجاب حکومت کی جانب سے واردات کا شکار ہونے والے جرمن سیاہ کو 5 لاکھ روپے کی امداد بھی دی گئی تھی۔
پولیس ذرائع کا کہنا ہے کہ جرمن سیاح سے واردات کرنے والے گرفتار ملزمان سے مزید تفتیش کا عمل بھی جاری ہے۔
