پاکستان شاہینز ایمرجنگ ایشیا کپ کے سیمی فائنل میں پہنچ گئے

عمان:ایمرجنگ ایشیا کپ میں پاکستان شاہیںز نے یو اے ای کو شکست دیکر سیمی فائنل کیلئے کوالیفائی کرلیا۔

عمان میں کھیلئے گئے آخری گروپ میچ میں پاکستانی شاہینز نے متحدہ عرب امارات کو 114 رنز سے شکست دی۔

پاکستان شاہینز نے پہلے کھیلتے ہوئے 4 وکٹوں کے نقصان پر179 رنز بنائے، کپتان محمد حارث 71 اور حیدر علی 32 رنز پر ناٹ آوٹ رہے۔

ہدف کے تعاب میں یو اے ای کی پوری ٹیم 16.3 اوورز میں 65 رنز بنا کر آؤٹ ہوگئی، شاہنواز دھانی نے 5 کھلاڑیوں کو آؤٹ کیا۔

پاکستان شاہینز کا سیمی فائنل میں جمعہ کو گروپ اے کی نمبر ون ٹیم سری لنکا سے مقابلہ ہوگا۔