کمنٹیٹر رمیز راجا کو شان مسعود پر طنزمہنگا پڑگیا،پی سی بی کی جانب سے سخت ایکشن متوقع

لاہور:انگلینڈ کے خلاف ٹیسٹ سیریز جیتنے والے کپتان شان مسعود پر طنز کرنے والے کمنٹیٹر رمیز راجا پر پاکستان کرکٹ بورڈ (پی سی بی) کی جانب سے سخت ایکشن لیے جانے کا امکان ہے۔

راولپنڈی ٹیسٹ میچ میں فتح کے بعد پریزینٹیشن کے دوران گفتگو کرتے ہوئے پاکستان کرکٹ بورڈ (پی سی بی) کے سابق چیئرمین اور کمنٹیٹر رمیز راجا نے طنزیہ انداز میں شان مسعود کے مسلسل 6 ٹیسٹ میچز ہارنے سوال کیا تھا کہ آپ نے اتنی غیر معمولی کارکردگی کیسے دکھائی؟۔

تاہم شان مسعود نے اطمینان سے جواب دیتے ہوئے کہا کہ رمیز بھائی، ہمیں اس جیت کی ضرورت تھی اور میں واقعی خوش ہوں کہ پاکستان جیت گیا۔

ذرائع کا کہنا ہے کہ پی سی بی مبینہ طور پر اس واقعے پر رمیز راجا کیخلاف نوٹس لے گا اور آسٹریلیا کے خلاف وائٹ بال سیریز سے سابق کرکٹر کو کمنٹری پینل سے خارج کیا جاسکتا ہے۔

خیال رہے کہ پاکستان نے راولپنڈ ٹیسٹ میچ میں انگلینڈ کو شکست دیکر سیریز 1-2 سے اپنے نام کیا تھی۔

پاکستان نے 2021 کے بعد تقریباً ساڑھے 3 سال کے عرصے میں ہوم گراؤنڈ پر پہلی سیریز جیتی جبکہ 19 سال بعد انگلش ٹیم کو ہوم گراؤنڈ پر شکست سے دوچار کیا تھا۔