سیاحوں کی گاڑی دریائے نیلم میں جاگری، 4 افراد جاں بحق

نیلم: آزاد کشمیر میں نگدر کناری کے مقام پر سیاحوں کی گاڑی دریائے نیلم میں گرنے کے نتیجے میں 4 افراد جاں بحق ہو گئے۔
مقامی پولیس اور ریسکیو حکام کا کہنا ہے کہ سیاحوں کی کار کو سڑک پر جمے کورے کی وجہ سے حادثہ پیش آیا جس کے بعد کار دریائے نیلم میں جا گری، کار میں سوار چاروں افراد موقع پر ہی جان کی بازی ہار گئے۔
مقامی لوگوں نے چاروں سیاحوں کی لاشیں دریا سے نکال لی ہیں، مقامی پولیس اور ریسکیو 1122 کے اہلکار گاڑی کو نکالنے میں مصروف ہیں، جاں بحق افراد کا تعلق مانسہرہ سے بتایا جا رہا ہے۔