ممبئی:بالی ووڈ سُپر اسٹار سلمان خان آج اپنی 59 ویں سالگرہ منا رہے ہیں۔
بھارتی میڈیا کے مطابق ہر سال کی طرح سلمان خان کی بہن نے اپنے بھائی کے لیے سالگرہ کی تقریب کا اہتمام کیا۔
سلمان خان کی بہن ارپیتا کی بیٹی بھی 27 دسمبر کو پیدا ہوئی تھی اور ہر سال یہ دونوں اپنی سالگرہ ساتھ مناتے ہیں۔
بہن کی جانب سے سالگرہ کی تقریب میں شرکت کے لیے سلمان خان رات کو ان کے گھر پہنچے تھے۔
تقریب میں سلمان خان کی سابقہ گرل فرینڈ سنگیتا بجلانی، بھائی سہیل خان اور دیگر لوگوں نے بھی شرکت کی۔
سوشل میڈیا پر اس سالگرہ کی تقریب کی ویڈیو بھی سامنے آئی ہے جسے سلمان خان کے مداح بہت پسند کر رہے ہیں۔
