لاہور: سہ ملکی سیریز کے پہلے میچ میں نیوزی لینڈ نے پاکستان کو 78 رنز سے شکست دے دی۔قومی ٹیم 252 رنز بنا کر آؤٹ ہو گئی ۔
قذافی سٹیڈیم لاہور میں کھیلے جانیوالے میچ میں پاکستان کی قیادت محمد رضوان کررہے ہیں جبکہ مہمان ٹیم کیویز کی کمان مچل سینٹنر کے ہاتھوں میں ہے، نیوزی لینڈ نے پاکستان کیخلاف ٹاس جیت کر پہلے بیٹنگ کا فیصلہ کیا تھا۔
نیوزی لینڈ نے 6 وکٹوں پر330 رنز سکورکیے،گلین فلپس نے 72گیندوں پرجارحانہ سنچری بنائی جبکہ ڈیرل مچل نے81 اور ولیمسن نے58رنزبنائے جبکہ پاکستان کی جانب سے شاہین آفریدی نے تین، ابراراحمد نے دو وکٹیں لیں۔
یاد رہے کہ گزشتہ روز وزیراعظم شہباز شریف نے قذافی سٹیڈیم کا تعمیر نو کے بعد افتتاح کیا تھا، قذافی سٹیڈیم تعمیر نو کے بعد آج سہ ملکی سیریز کے پہلے میچ کی میزبانی کررہا ہے۔
