پاکستان خطے میں اپنی بقا کیلئے تمام ضروری اقدامات کرے گا،بلاول بھٹو

میونخ: پیپلزپارٹی کے چیئرمین بلاول بھٹو زرداری نے کہا ہے کہ پاکستان چین اور امریکا کے درمیان پل کا کردار ادا کر سکتا ہے۔پاکستان خطے میں اپنی بقا کیلئے تمام ضروری اقدامات کرے گا۔
چیئرمین پیپلزپارٹی بلاول بھٹو نے میونخ میں سکیورٹی کانفرنس کے موقع پر جرمن میڈیا کو انٹرویو دیتے ہوئے کہا کہ بھارت کو چین کے مقابلے میں لانے سے خطے میں طاقت کا توازن بگڑے گا، بھارت سے تجارت اور مذاکرات کی بحالی میں امریکا اہم کردار ادا کر سکتا ہے۔
بلاول بھٹوکا کہنا تھا کہ پاکستان اور بھارت کو غربت اور بے روزگاری جیسے چیلنجز کا سامنا ہے، پاکستان خطے میں اپنی بقا کیلئے تمام ضروری اقدامات کرے گا، ہم تقسیم کی بجائے فاصلے کم کرنا چاہتے ہیں۔