لندن: یوکرینی صدر زیلنسکی کی لندن میں ٹین ڈاؤننگ آمد پر برطانوی وزیراعظم سر کیئر اسٹارمر نے گلے لگا کر استقبال کیا۔
ٹین ڈاؤننگ میں یوکرینی صدر کی برطانوی وزیراعظم سے ملاقات ہوئی، زیلنسکی نے برطانوی وزیراعظم کو کہا یوکرین کی حمایت پر آپ کا اور برطانوی عوام کا شکریہ ادا کرنا چاہتا ہوں۔
انہوں نے کہا کہ بادشاہ شاہ چارلس نے کل میری ملاقات کو قبول کیا، اس کے لیے بھی شکریہ اور شکر گزار ہوں کہ کل اتنی بڑی یورپی سربراہی کانفرنس کا اہتمام کیا گیا ہے۔
زیلنسکی نے کہا کہ یوکرین کے لوگ خوش ہیں کہ ہمارے پاس ایسے اسٹریٹجک شراکت دار موجود ہیں۔
یاد رہے کہ گزشتہ روز وائٹ ہاؤس میں امریکی صدر ڈونلڈ ٹرمپ اور نائب صدر کا یوکرینی صدر زیلنسکی اور سے ملاقات کے دوران تلخ جملوں کا تبادلہ ہوا تھا۔
ملاقات میں زیلنسکی نے روسی صدر پیوٹن کی جارحیت پر سوال اٹھایا، جبکہ ٹرمپ نے انہیں شکر گزار ہونے کا مشورہ دیا تھا۔
نائب امریکی صدر وینس نے یوکرینی صدر کو اوول آفس میں امریکی انتظامیہ پر تنقید سے باز رہنے کو کہا۔
