بانی پی ٹی آئی کا اڈیالہ جیل میں تفصیلی طبی معائنہ

راولپنڈی :بانی پی ٹی آئی عمران خان کا اڈیالہ جیل میں پمز کے ڈاکٹروں نے تفصیلی طبی معائنہ کیا، چار رکنی ٹیم نے بانی پی ٹی آئی کے بلڈ پریشر اور شوگر ٹیسٹ بھی کیے۔
جیل ذرائع کے مطابق پمز ہسپتال سے ڈاکٹروں کا چار رکنی پینل اڈیالہ جیل پہنچا تھا، ڈاکٹروں کے پینل میں ڈاکٹر الطاف حسین، ڈاکٹر عمر فاروق، ڈاکٹر محمد علی عارف اور ڈاکٹر تاشفین امتیاز بھی شامل تھے۔
جیل ذرائع نے بتایا کہ ڈاکٹروں نے ایک گھنٹے تک بانی پی ٹی آئی کا طبی معائنہ کیا، بانی پی ٹی آئی نے کانوں میں آوازیں آنے کی شکایت بھی کی۔
جیل ذرائع کا کہنا تھا کہ بانی پی ٹی آئی کا بلڈ پریشر اور شوگر ٹیسٹ نارمل آیا ہے، ڈاکٹروں نے مزید ٹیسٹ کے لیے بلڈ سیملز بھی حاصل کیے ہیں، عدالتی حکم پر بانی پی ٹی آئی کا پمز ہسپتال کے ڈاکٹروں سے چیک اپ کرایا گیا۔