امریکا میں چور گرفتاری سے بچنے کیلئے 14 کروڑ کی طلائی بالیاں نگل گیا

امریکا کی ریاست فلوریڈا میں چور نے گرفتاری سے بچنے کےلیے 5 لاکھ ڈالر سے زائد (14 کروڑ پاکستانی روپے سے زائد) کی بالیاں نگل لیں۔

برطانوی میڈیا کے مطابق ملزم فلوریڈا کے جیولری اسٹور سے بیش قیمت بالیاں لے کر فرار ہوا۔ پولیس نے پکڑا تو اس نے بالیاں نگل لیں۔

پولیس نے ملزم کے پیٹ میں نظر آتی چیز کی ایکسرے رپورٹ جاری کر دی۔تاہم ملزم کے پیٹ سے بالیاں برآمد کروانے سے متعلق ابھی کچھ نہیں بتایا۔

پولیس حکام نے ملزم پر ڈکیتی اور بڑی چوری کا الزام عائد کیا ہے۔