کراچی:بینک الفلاح سیکورٹیز کے سابق سی ای او اور معروف پاکستانی ماڈل نادیہ حسین کے خاوند عاطف محمد خان کو 54 کروڑ روپے کی خورد برد کے الزام میں گرفتار کرلیا گیا۔
رپورٹ کے مطابق ایف آئی اے کارپوریٹ کرائم سرکل نے کارروائی کرتے ہوئے سابق سی ای او بینک الفلاح سیکیورٹیز عاطف محمد خان کو 54 کروڑ روپے کی خورد برد کے الزام میں گرفتار کرلیا۔
معروف ماڈل نادیہ حسین کے خاوند کو بینک الفلاح سیکورٹیز بورڈ آف ڈائریکٹرز کی شکایت پر تحقیقات کے بعد گرفتار کیا گیا۔
رپورٹ کے مطابق ملزم کارپوریٹ فنانشل فراڈ کے ذریعے کمپنی فنڈز کی خورد برد میں ملوث ہے، ملزم نے 80 ملین روپے کے کمپنی فنڈز کو ذاتی ٹریڈنگ کے لئے استعمال کیا۔
رپورٹ کے مطابق ملزم نے تھرڈ پارٹی کے ذریعے 654 ملین غیر قانونی طور پر ایکوائر کئے اور کمپنی فنڈز سے انہیں ہائی مارک اپ کے ساتھ ادائیگی کی۔
ملزم کو سابق سی ایف او فیصل شیخ اور اور امتیاز احمد نے فراڈ میں سہولیات فراہم کیں۔
