نوشکی میں بس کے قریب دھماکا، 5 افراد جاں بحق

کوئٹہ:نوشکی میں قومی شاہراہ این 40 پر بس کے قریب دھماکا ہوا جس میں 5 افراد جاں بحق اور 10 زخمی ہوگئے۔

سیکیورٹی حکام کے مطابق بس نوشکی سے تفتان کی جانب جا رہی تھی کہ راستے میں دھماکا ہوگیا۔

پولیس نے علاقے کو گھیرے میں لے کر مزید کارروائی شروع کر دی جبکہ ریسکیو حکام کی جانب سے جاں بحق اور زخمیوں کو اسپتال منتقل کیا جا رہا ہے۔

ایس ایچ او ظفر بلوچ کے مطابق بس پر حملہ مبینہ طور پر خود کش لگتا ہے۔