اسلام آباد:وزیراعظم شہباز شریف سے بلاول بھٹو زرداری کی قیادت میں پیپلز پارٹی کے وفد نے ملاقات کی۔
ذرائع کے مطابق ملاقات کے دوران پیپلز پارٹی کے تحفظات کے حوالے سے وزیراعظم کو آگاہ کیا گیا، تحفظات سے متعلق وزیراعظم کی قائم کمیٹی کی پیشرفت سے وزیراعظم کو آگاہ کیا گیا۔
ملاقات کے دوران وزیراعظم اور پیپلزپارٹی کے وفد کے درمیان پاک بھارت کشیدگی اور بھارت کی آبی جارحیت سے متعلق اقدامات پر گفتگو کی گئی۔
ملاقات کے دوران آئندہ وفاقی بجٹ سے متعلق بات چیت کی گئی، پیپلز پارٹی کی جانب سے وفاقی بجٹ میں تجاویز دینے پر بھی گفتگو کی گئی۔
ذرائع کے مطابق پیپلز پارٹی کے وفد میں وزیراعلیٰ سندھ مراد علی شاہ، وزیراعلیٰ بلوچستان سرفراز بگٹی، گورنر کے پی فیصل کریم کنڈی اور سید نوید قمر شامل تھے۔
ذرائع کے مطابق حکومتی ٹیم میں وزیر مملکت برائے داخلہ طلال چوہدری، وزیر خزانہ محمد اورنگزیب، وزیر دفاع خواجہ آصف، وزیراعظم کے مشیر برائے سیاسی امور رانا ثناء اللہ اور اسپیکر قومی اسمبلی سردار ایاز صادق شامل تھے۔
