زرتاج گل آزادی مارچ کے سلسلہ میں قائم دو مقدمات سے بری

پاکستان تحریک انصاف کی رہنماء زرتاج گل کو آزادی مارچ کے سلسلہ میں قائم دو مقدمات سے بری کر دیا گیا۔
ڈسٹرکٹ اینڈ سیشن کورٹس اسلام آباد میں پی ٹی آئی رہنماوٴں کے خلاف آزادی مارچ کے مقدمات کی سماعت میں زرتاج گل کی بریت کی درخواستوں پر فیصلہ سنا دیا گیا۔
جوڈیشل مجسٹریٹ مبشر حسن چشتی نے کیس پر محفوظ فیصلہ سنایا، زرتاج گل کی جانب سے سردار محمد مصروف خان ایڈووکیٹ ودیگر عدالت میں پیش ہوئے۔
زرتاج گل و دیگر کے خلاف تھانہ بارہ کہو میں 2 مقدمات درج ہیں، عدالت نے باقی ملزمان کی حد تک کیس 27 مئی تک ملتوی کر دیا۔
خیال رہے کہ بانی پی ٹی آئی و دیگر مقدمہ سے پہلے ہی بری ہوچکے ہیں۔