ملک میں رواں ہفتے گرمی کی لہر میں مزیداضافے کاامکان

اسلام آباد:محکمہ موسمیات نے رواں ہفتے کے دوران ہیٹ ویوو الرٹ جاری کردیا ۔
محکمہ موسمیات کے مطابق ملک میں ہیٹ ویوو کا سلسلہ جاری ہے20 سے 24 مئی کے دوران ملک کے جنوبی علاقوں ( سندھ،جنوبی پنجاب اور بلوچستان) میں دن کے درجہ حرارت معمول سے 4 سے 6 ڈگری زائد ہونگے۔
محکمہ موسمیات کاکہناہے کہ 20 سے 24 مئی کے دوران ملک کے بالائی علاقوں ( وسطی ، بالائی پنجاب اسلام آباد خیبر پختون خواہ گلگت بلتستان کشمیر) میں دن کے درجہ حرارت معمول سے 5 تا 7 ڈگری زائد ہونگے۔اس دوران میدانی علاقوں میں جھکڑ چلنے کابھی امکان ہے۔
محکمہ موسمیات نے شہریوں کوہدایت کی ہے کہ گرمی کے دوران گھروں سے کم نکلیں ۔ علاوہ ازیں کاشت کار اپنے معمولات کو موسم دیکھ کر ترتیب دیں ۔