سینیٹ سے پاکستان نام اور نشانات امتناع غیر مجاز استعمال ترمیمی بل 2023 متفقہ طور پر منظور

اسلام آباد:سینیٹ نے پاکستان نام اور نشانات امتناع غیر مجاز استعمال ترمیمی بل 2023 متفقہ طور پر منظور کر لیا۔
پیر کو ایوان بالا کے اجلاس میں سینیٹر شہادت اعوان نے یہ بل قائمہ کمیٹی سے منظور کردہ صورت میں ایوان میں پیش کرنے کی تحریک پیش کی۔ ایوان سے تحریک کی منظوری کے بعد انہوں نے یہ ایوان میں پیش کیا۔
ڈپٹی چیئرمین سینیٹ سیدال خان ناصر نے بل شق وار منظوری کیلئے ایوان میں پیش کیا۔ بعد ازاں ایوان نے بل کی منظوری دے دی۔