اسلام آباد:چیئرمین سینیٹ سید یوسف رضا گیلانی کی اٹلی کے اسپیکر لورینزو فونتانا سے ملاقات، دونوں رہنماوٴں کا پارلیمانی تعاون اور تبادلوں کے فروغ پر اتفاق،چیئرمین سینیٹ کی جانب سے پاکستان-اٹلی مزدوروں کی نقل و حرکت کے معاہدے کا خیرمقدم کیاگیا۔
چیئرمین سینیٹ سید یوسف رضا گیلانی نے اٹلی کے اسپیکر لورینزو فونتانا سے ملاقات کی جس میں دونوں رہنماوٴں کا پارلیمانی تعاون اور تبادلوں کے فروغ پر اتفاق کیا۔
چیئرمین سینیٹ کا یورپی پارلیمنٹ میں اٹلی کی اصولی حمایت پر اظہارِ تشکر کیا ملاقات میں دوطرفہ تعلقات، افغانستان اور بھارت کے ساتھ حالیہ کشیدگی پر گفتگو کی چیئرمین سینیٹ نے اطالوی وزیر داخلہ کے حالیہ دورہ پاکستان کو خوش آئند قرار دیا ۔
چیئرمین سینیٹ کی جانب سے پاکستان-اٹلی مزدوروں کی نقل و حرکت کے معاہدے کا خیرمقدم کیا۔سید یوسف رضاگیلانی نے کہا کہ پاکستان نے حالیہ کشیدگی میں اقوام متحدہ چارٹر کے تحت ذمہ دارانہ کردار ادا کیا۔ افغانستان ایک برادر ملک ہے، پاکستان پرامن و مستحکم افغانستان کا خواہاں ہے ۔
اطالوی اسپیکر نے دورہ پاکستان کی دعوت پر مثبت ردِعمل دیا دونوں پارلیمانوں کے درمیان تعاون کے باضابطہ معاہدے کی خواہش کا اظہار کیا ۔ ملاقات کا اختتام مستقل سیاسی و پارلیمانی روابط کے عزم کے ساتھ ہوا۔
