معصوم بچوں کا قتل ناقابل فہم ہے،امریکی ناظم الامور کی خضدار واقعہ کی مذمت

اسلام آباد:پاکستان میں قائم امریکی سفارت خانہ کی جانب سے خضدار میں سکول بس پر وحشیانہ حملے کی مذمت کی گئی ہے ۔
سفارت خانہ ریاستہائے متحدہ امریکہ اسلام آباد کی جانب سے جاری بیان میں سے خضدار میں سکول بس پر وحشیانہ حملے کی مذمت کی گئی ہے ۔
امریکی ناظم الامور نے کہا کہ خضدار میں سکول بس پر وحشیانہ حملے کی مذمت میں پاکستانی قیادت کے ساتھ ہیں معصوم بچوں کا قتل ناقابل فہم ہے۔
امریکی ناظم الامور نے مزید کہاکہ ہم اپنے پیاروں کو کھونے والے خاندانوں کے غم میں برابر کے شریک اور زخمیوں کی جلد صحت یابی کے لیے دعاگو ہیں،کسی بھی بچے کو اسکول جاتے ہوئے خوف کا ‌‌شکار نہیں ہونا چاہیے۔
نیٹلی بیکر نے کہاکہ ہم پاکستان میں ان کے ساتھ کھڑے ہیں جو اس تشدد کے خاتمے کے لیے کوشاں ہیں۔