راولپنڈی:24اور 25 مئی کو خیبر پختونخوا کے مختلف علاقوں میں سیکیورٹی فورسز کی کارروائیوں کے دوران 9 بھارتی سرپرستی یافتہ خوارج ہلاک ہو گئے۔
آئی ایس پی آر کے مطابق ڈیرہ اسماعیل خان میں خفیہ اطلاع پر آپریشن کیا گیا ۔بھارتی سرپرستی میں خوارج کی موجودگی کی اطلاع تھی۔
آپریشن کے دوران سیکیورٹی فورسز نے مؤثر کارروائی کرتے ہوئے شدید فائرنگ کے تبادلے کے بعد 4 خوارج کو جہنم واصل کیا۔اسی طرح ٹانک میں خفیہ اطلاع پر کیے گئے آپریشن میں مزید 2 بھارتی سرپرستی یافتہ خوارج مارے گئے۔
آئی ایس پی آرکا کہنا ہے کہ تیسری جھڑپ خیبر ضلع کے علاقے باغ میں ہوئی ۔جہاں سیکیورٹی فورسز نے 3 مزید خوارج کو ہلاک کیا۔
ہلاک شدہ خوارج سے اسلحہ اور گولہ بارود بھی برآمد ہوا۔جو علاقے میں متعدد دہشتگرد کارروائیوں میں ملوث تھے۔
آئی ایس پی آرکا کہنا ہے کہ علاقے میں خوارج کے مکمل خاتمے کے لیے سرچ آپریشنز جاری ہیں۔ سیکیورٹی فورسز ملک سے بھارتی سرپرستی یافتہ دہشتگردی کا مکمل صفایا کرنے کے لیے پرعزم ہیں۔
