آپریشن سندور کی ناکامی، کانگریس رہنما ءکی مودی پر کڑی تنقید

بھوپال: پاکستانی مسلح افواج کے ہاتھوں ہزیمت کے بعد بھارتی حکومت اور وزیراعظم مودی تاحال حزب اختلاف کی جماعتوں کی تنقید کی زد میں ہیں۔ مدھیہ پردیش کے کانگریس صدر جیتو پٹواری نے وزیراعظم مودی کو سخت تنقید کا نشانہ بنایا ہے۔

جیتو پٹواری نے اپنے بیان میں کہا کہ “مودی جی آپ سندور کی بات کرتے ہیں! آپ یہ کیوں نہیں پوچھتے کہ مدھیہ پردیش میں روزانہ 25 بیٹیوں کی عصمت دری کیوں ہوتی ہے؟”

انہوں نے مزید سوال اٹھایا کہ “آپ یہ کیوں نہیں پوچھتے کہ بالا گھاٹ میں درندے رات بھر چار بیٹیوں کی عصمت دری کرتے رہے؟ جس طرح کی عصمت دری کی باتیں اب ہوتی ہیں، کیا آپ نے پہلے کبھی ایسی باتیں سنی ہیں؟”

انہوں نے وزیراعظم پر مزید تنقید کرتے ہوئے کہا، “مودی آپ بھوپال میں سندور کی بات کر رہے ہیں جبکہ آپ کے وزیر اعلیٰ وزیر داخلہ بھی ہیں۔ ان بہنوں کے اعتماد کا کیا ہوا؟ آپ اس کا جواب کیوں نہیں دینا چاہتے؟”