نائیجیریا: پاکستان کی ابھرتی ہوئی ٹینس اسٹار سوہا علی نائیجیریا میں جاری آئی ٹی ایف جونیئر ٹینس چیمپئن شپ کے گرلز ڈبلز سیمی فائنل میں پہنچ گئی ہیں۔ انہوں نے اپنی بھارتی پارٹنر سدھاک کور کے ہمراہ آخری چار میں جگہ بنائی۔
کوارٹر فائنل میں سوہا علی اور سدھاک کور کی جوڑی نے میزبان نائیجیریا کی فیگو آئیتوما اور تولو ویاشی کو سٹریٹ سیٹس میں شکست دی۔ سوہا اور سدھاک کی جیت کا اسکور 6-3 اور 6-4 رہا، جس کے بعد وہ ٹورنامنٹ میں مزید آگے بڑھنے کے لیے پرعزم ہیں۔
یہ کامیابی دونوں کھلاڑیوں کی بہترین کارکردگی اور ہم آہنگی کا منہ بولتا ثبوت ہے۔
