پاک ایران بین الوزارتی اجلاس ،باہمی احترام، مشترکہ مفادات اور علاقائی استحکام کی بنیاد پر تعلقات کو مزید مستحکم بنانے کے عزم کا اعادہ

اسلام آباد:نائب وزیر اعظم سینیٹر محمد اسحاق ڈار کی زیر صدارت پاکستان ایران دو طرفہ اقتصادی تعلقات کا جائزہ لینے کے لئے بین الوزارتی اجلاس میں دونوں ممالک کے درمیان باہمی احترام، مشترکہ مفادات اور علاقائی استحکام کی بنیاد پر تعلقات کو مزید مستحکم بنانے کے عزم کا اعادہ کیا گیا۔
نائب وزیرِ اعظم و وزیرِ خارجہ سینیٹر محمد اسحاق ڈار کی زیرِ صدارت پاکستان اور ایران کے درمیان دو طرفہ اقتصادی تعلقات کا جائزہ لینے کے لیے ایک بین الوزارتی اجلاس منعقد ہوا۔
اجلاس میں اقتصادی اور تجارتی شعبوں میں تعاون کو فروغ دینے کے مواقعوں پر غور کیا گیا۔ اس موقع پر دونوں ممالک کے درمیان باہمی احترام، مشترکہ مفادات اور علاقائی استحکام کی بنیاد پر تعلقات کو مزید مستحکم بنانے کے عزم کا اعادہ کیا گیا۔