سندھ کی جیلوں میں قید قیدیوں کے لیے خوشخبری، عید پر معافی کا اعلان

کراچی: وزیراعلیٰ سندھ سید مراد علی شاہ کا عیدالاضحیٰ کے موقع پر عام قیدیوں کے لیے 120 دن کی خصوصی معافی کا اعلان
تفصیلات کے مطابق عید الاضحی کے موقع پر وزیراعلیٰ سندھ سید مراد علی شاہ نے عام قیدیوں کے لیے 120 دن کی خصوصی معافی کا اعلان کا اعلان کیا ہے۔ وزیر اعلی سندھ نے واضح کیا کہ قتل، دہشتگردی، ریپ، اغواء اور مالی بدعنوانی میں ملوث قیدی معافی کے اہل نہیں ہوں گے اورمعافی کا اطلاق صرف عام سزا یافتہ قیدیوں پر ہوگا، سزائے موت کے قیدی شامل نہیں۔
وزیر اعلی سندھ نے کہا کہ منشیات، فارن ایکٹ، جاسوسی اور مالی بے ضابطگیوں میں سزا یافتہ قیدیوں پر اطلاق نہیں ہو گا ۔
اس حوالے سے ترجمان وزیر اعلی سندھ نے کہا کہ محکمہ داخلہ سندھ نے قیدیوں کے لئے 120 دنوں کی معافی کا نوٹیفکیشن جاری کر دیا ہے۔