اسلام آباد: ترجمان دفتر خارجہ شفقت علی خان نے بیروت اور جنوبی لبنان کے کچھ حصوں پر اسرائیلی افواج کے فضائی حملوں کی شدید مذمت کی ہے۔
ایک بیان میں ترجمان نے کہا کہ عید الاضحیٰ کے موقع پر کیے گئے یہ حملے بین الاقوامی قانون، لبنان کی خودمختاری اور 24 نومبر کے جنگ بندی معاہدے کی صریح خلاف ورزی ہے
انہوں نے مزید کہا کہ طاقت کا یہ استعمال شہریوں کی زندگیوں کے لیے خطرہ اور علاقائی عدم استحکام کا باعث بن رہا ہے۔
شفقت علی خان نے واضح کیا کہ پاکستان مشکل کی اس گھڑی میں لبنان کی حکومت اور عوام کے ساتھ کھڑا ہے۔ انہوں نے بین الاقوامی برادری، اقوام متحدہ اور جنگ بندی کے ثالثوں پر زور دیا کہ وہ اسرائیلی قابض افواج کو جوابدہ ٹھہرانے اور مزید کشیدگی کو روکنے کے لیے *فوری کردار ادا کریں
