اسلام آباد: محکمہ موسمیات نے آئندہ چوبیس گھنٹوں کے دوران ملک کے بیشتر علاقوں میں موسم گرم و خشک رہنے کی پیشگوئی کی ہے۔ تاہم، بالائی خیبرپختونخوا، گلگت بلتستان اور اسلام آباد میں مطلع جزوی طور پر ابر آلود رہنے کے علاوہ چند مقامات پر تیز ہواؤں اور گرج چمک کے ساتھ بارش کا امکان ہے۔
گذشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا۔ سب سے زیادہ درجہ حرارت سبی میں 49 ڈگری سینٹی گریڈ ریکارڈ کیا گیا۔
جبکہ سب سے زیادہ بارش چراٹ میں 15 ملی میٹر اور پشاور (ایئرپورٹ پر 12 ملی میٹر، سٹی میں 04 ملی میٹر) ریکارڈ کی گئی۔
