اسلام آباد:سپیکر قومی اسمبلی سردار ایاز صادق نے وفاقی بجٹ 2025-26کےلئے قومی اسمبلی کے شیڈول کی منظوری دے دی۔وفاقی بجٹ کل قومی اسمبلی میں پیش کیا جائے گا۔26 جون کو فنانس بل کی منظوری ایوان سے لی جائے گی۔
شیڈول کے مطابق 13 جون کو قومی اسمبلی میں وفاقی بجٹ پر بحث کا آغاز ہوگا۔قومی اسمبلی میں موجود پارلیمانی جماعتوں کو قواعد و ضوابط کے مطابق بحث کےلئے وقت دیا جائے گا۔وفاقی بجٹ پر بحث 21 جون کو سمیٹی جائے گی۔23 جون کےاجلاس میں آئندہ سال کے مختص کردہ ضروری اخراجات پر بحث ہوگی۔24 اور 25 جون کو ڈیمانڈز،گرانٹس،کٹوتی کی تحاریک پر بحث اور ووٹنگ ہوگی۔27 جون کو سپلیمنٹری گرانٹس سمیت دیگر امور پر بحث اور ووٹنگ ہوگی۔قومی اسمبلی کے شیڈول سیشن میں کسی قسم کی تبدیلی سپیکر کی اجازت سے ممکن ہوگی۔
