اسلام آباد: سینیٹ کا بجٹ اجلاس آج شام چھ بجے پارلیمنٹ ہاؤس اسلام آباد میں منعقد ہوگا۔ اجلاس کے لیے آٹھ نکاتی ایجنڈا جاری کر دیا گیا ہے جس کا مرکزی نکتہ وزیر خزانہ کی جانب سے مالیاتی بل 2025 کی نقل ایوان میں پیش کرنا ہے۔
اجلاس میں چیئرمین قائمہ کمیٹی برائے خزانہ و محصولات مالیاتی بل اور انکم ٹیکس دوسرا ترمیمی بل 2025 سے متعلق کمیٹی کی رپورٹ پیش کریں گے۔ اس کے بعد ان بلز پر غور کیا جائے گا اور سفارشات کی روشنی میں انہیں منظور کرنے پر بحث متوقع ہے۔
اجلاس میں چیئرمین قائمہ کمیٹی برائے داخلہ و انسداد منشیات سینیٹر فیصل سلیم رحمان سوسائٹیز رجسٹریشن ترمیمی بل 2025 اور پرائس کنٹرول اینڈ پریوینشن آف پرافیٹیرنگ اینڈ ہورڈنگ ترمیمی بل 2024 سے متعلق رپورٹس پیش کریں گے۔
