پاکستانی پارلیمانی وفد کی سٹراس برگ میں یورپی پارلیمنٹ کی نائب صدر سے ملاقات ،بھارت کی جارحانہ ذہنیت اور یکطرفہ غیر آئینی اقدامات سے آگاہ کیا

سٹراس برگ :پاکستان کے اعلی سطح کے پارلیمانی وفد نے فرانس کے شہر سٹراس برگ میں یورپی پارلیمنٹ کی نائب صدر محترمہ کرسٹل شلڈم سے ملاقات کی۔وفد نے بھارت کی جارحانہ ذہنیت اور یکطرفہ غیر آئینی اقدامات اور ان کے مضمرات سے آگاہ کیا ۔
اعلیٰ سطحی پارلیمانی وفد نے یورپی پارلیمنٹ کی نائب صدر محترمہ کرسٹل شلڈم سے ملاقات کی۔وفد نے انہیں جنوبی ایشیا میں بگڑتی ہوئی علاقائی سلامتی کی صورتحال سے آگاہ کیا، پارلیمانی وفد نے بھارت کی جارحانہ ذہنیت اور یکطرفہ غیر آئینی اقدامات اور ان کے مضمرات سے بھی آگاہ کیا ۔
ملاقات کے دوران ماحولیاتی چیلنجز سے نپٹنے کیلئے مشترکہ کاوشیں بروئے کار لانے اور باہمی افہام و تفہیم اور تعاون کو فروغ دینے کے لیے پارلیمانی روابط کو مزید وسعت دینے پر بھی مفصل تبادلہ خیال کیا گیا۔