اسلام آباد:وفاقی وزیر اطلاعات عطاء اللہ تارڑ نے مقتول ٹک ٹاکر ثناء یوسف کے قتل کیس کو منطقی انجام تک پہنچانے کا عزم ظاہر کیا ہے۔ انہوں نے ثناء یوسف کے لواحقین سے ملاقات کی اور اُ ن سے تعزیت کا اظہار کیا، وفاقی وزیر اطلاعات نے متاثرہ خاندان کو انصاف کی فراہمی کے لیے ہر ممکن تعاون کی یقین دہانی کروائی۔
میڈیا سے گفتگو میں وزیر اطلاعات نے کہا کہ ثناء یوسف کا قتل ٹیسٹ کیس ہونا چاہیے اور ملزم کو سخت ترین سزا دی جائے گی۔ انہوں نے مزید کہا کہ ہمیں اپنی بچیوں کو محفوظ ماحول فراہم کرنا ہے . سوشل میڈیا پلیٹ فارمز کا ذمہ داری سے استعمال کیا جانا چاہیئے۔
وزیر اطلاعات نے بتایا کہ کیس کو قانونی طور پر مضبوط بنانے کے لیے ایک ٹیم تشکیل دی جائے گی تاکہ معاملے کو جلد از جلد منطقی انجام تک پہنچایا جا سکے۔
