تہران:ایران پر اسرائیلی حملوں میں امریکہ کی براہ راست شمولیت کے بعد ایران کے سپریم لیڈر آیت اللّٰہ علی خامنہ ای کا پہلا سخت اور دوٹوک بیان سامنے آ گیا ہے۔ انہوں نے سماجی رابطے کی ویب سائٹ ’ایکس پر اپنے آفیشل فارسی اکاؤنٹس سے پیغام جاری کیا، جس میں انہوں نے اسرائیل کو “سنگین غلطی” کا ذمہ دار ٹھہراتے ہوئے اسے “سخت سزا” دینے کے عزم کا اظہار کیا ہے۔
آیت اللّٰہ خامنہ ای نے ’آپریشن مڈ نائٹ ہیمر‘ کے تناظر میں لکھا کہ “صہیونی دشمن نے ایک بڑی غلطی اور سنگین جرم کا ارتکاب کیا ہے؛ اسے سزا ملنی چاہیے، اور اب اسے سزا دی جا رہی ہے۔”
ان کا یہ بیان ایسے وقت سامنے آیا ہے جب امریکی صدر ڈونلڈ ٹرمپ نے تصدیق کی ہے کہ امریکہ نے ایران کی تین اہم جوہری تنصیبات فردو، نطنز، اور اصفہان پر فضائی حملے کیے ہیں۔
