وزیراعظم کا ٹیکساس میں طوفانی سیلاب میں قیمتی جانوں کے ضیاع پراظہارافسوس

اسلام آباد:وزیراعظم محمد شہبازشریف نے امریکی ریاست ٹیکساس میں طوفانی سیلاب میں قیمتی جانوں کے ضیاع پر گہرے دکھ وافسوس کااظہار کیاہے ۔

سوشل میڈیا پلیٹ فارم ”ایکس ” پر اپنے پیغام میں وزیراعظم نے ٹیکساس میں طوفانی سیلاب سے قیمتی جانوں کے ضیاع پر گہرے رنج و غم کا اظہار کرتے ہوئے امید ظاہر کی ہے کہ ریسکیو ٹیمیں فلڈ میں پھنسے لوگوں کی جانیں بچانے میں کامیاب ہوں گی ۔
صدر ڈونلڈ ٹرمپ اور امریکی قوم کے ساتھ اظہار یکجہتی کرتے ہوئے وزیراعظم نے غمزدہ خاندانوں کے ساتھ مکمل ہمدردی کا اظہار کیا ہے۔