اسلام آباد:سویڈن نے پاکستان میں ویزا سروس دوبارہ سے فعال کرنے کا اعلان کردیا ۔
ترجمان دفتر خارجہ کے مطابق پاکستان کے دفتر خارجہ اور سویڈن حکام کے درمیان ویزہ سروس پر سٹاک ہوم میں سیاسی مشاورت ہوئی پاکستان وفد کی قیادت ایڈیشنل سیکرٹری خارجہ (یورپ) نے کی سویڈن وفد کی قیادت ڈائریکٹر جنرل گلوبل افیئر زنے کی۔
ترجمان دفترخارجہ کا کہنا ہے کہ کم مدت کے لیے سویڈن جانے والے پاکستانیوں کو اس فیصلے سے سہولت ملے گی سات جولائی سے پاکستانی شہری 90 دن کے لیے سویڈن جانے کے لیے ویزہ اپلائی کرسکتے ہیں ۔
ترجمان کاکہناہے کہ پاکستان اس فیصلے کا خیر مقدم کرتا ہے یہ فیصلہ پاکستان اور سویڈن کے درمیان مضبوط تعلقات کی عکاسی کرتا ہے۔
