مریم نواز کا جوہر ٹاؤن لاہور میں شیر کے حملے میں زخمی بچوں ، خاتون کے لئے امداد کا اعلان

لاہور :وزیراعلی مریم نواز شریف نے جوہر ٹاؤن لاہور میں شیر کے حملے میں زخمی بچوں اور خاتون کے لئے پانچ ، پانچ لاکھ روپے امداد کا اعلان کیاہے ۔

اپنے ایک بیان میں وزیراعلی مریم نواز شریف نے کہا کہ پنجاب میں کسی بھی مقام پر غیر قانونی طور پر جنگلی حیات رکھنے کی اجازت ہرگز نہیں دینگے ۔

وزیراعلی مریم نواز شریف کی ہدایت پر پنجاب بھر میں غیر قانونی شیر رکھنے والے افراد کے خلاف کریک ڈاؤن کرکے لاہور اور گوجرانوالہ سمیت 22 مقامات پر چھاپے مارکر 8 غیر قانونی طور پر رکھے شیر برآمد کئے گئے ہیں ۔بلالائسنس شیر پالنے پر 5 افراد پکڑے گئے ہیں ۔

وزیراعلی مریم نواز شریف کی ہدایت پر جنگلی جانوروں رکھنے والوں کی رجسٹریشن کے لئے خصوصی ایپ وائلڈ لائف ایپ پر 584 جنگلی شیر اور ٹائیگر کی رجسٹریشن کی گئی ہے ۔