ہیکرز کا سنگاپور کے اہم انفراسٹرکچر پر سائبر حملہ، فوج سے مدد طلب

سنگاپور کے وزیرِ دفاع چان چن سنگ نے تصدیق کی ہے کہ ملک کے اہم انفراسٹرکچر پر سنگین سائبر حملے کو روکنے کے لیے فوجی یونٹس کو متحرک کر دیا گیا ہے۔

یہ حملہ ایک خفیہ ہیکنگ گروپ UNC3886 سے جوڑا جا رہا ہے۔

وزیرِ دفاع کے مطابق یہ حملہ ان “نئے خطرات” کی ایک مثال ہے جن سے اب مسلح افواج کو نمٹنا پڑتا ہے۔ اب تک کسی بھی نظام میں داخل ہونے کی تصدیق نہیں ہوئی، مگر حملہ جاری ہے اور حکام اس پر کڑی نظر رکھے ہوئے ہیں۔

وزیرِ داخلہ و قومی سلامتی کے. شانموگم نے بتایا کہ یہ حملہ Advanced Persistent Threat (APT) کی ایک قسم ہے جس میں ہیکرز خاموشی سے کسی نظام میں داخل ہوکر طویل مدت تک اپنی موجودگی چھپاتے ہیں اور حساس معلومات چوری کرتے ہیں۔

شانموگم نے واضح کیا کہ اگر حملہ کامیاب ہوتا ہے تو یہ جاسوسی کے ساتھ ساتھ صحت، پانی، بجلی، ٹرانسپورٹ اور دیگر اہم سروسز کو درہم برہم کر سکتا ہے۔