اسلام آباد:راول ڈیم میں پانی کی سطح 1750 فٹ تک پہنچنے کے بعد آج دوپہر 2 بجے سپل ویز کھولنے کا فیصلہ کیا گیا ہے۔ این ڈی ایم اے اور راول ڈیم حکام نے تمام متعلقہ اداروں کو پیشگی آگاہ کر دیا ہے تاکہ کسی بھی ہنگامی صورتحال سے بچا جا سکے۔
سپل ویز کھلنے کے بعد کورنگ نالہ میں پانی کے بہاؤ میں خاطر خواہ اضافہ متوقع ہے، جس کے پیش نظر نالہ سے ملحقہ رہائشی علاقوں کے مکینوں کو محتاط رہنے کی ہدایت جاری کر دی گئی ہے۔
حکام نے عوام سے اپیل کی ہے کہ پانی کا بہاؤ تیز ہونے کی صورت میں کورنگ نالہ یا نالے پر بنے عارضی پل کو عبور کرنے سے مکمل طور پر گریز کریں، کیونکہ یہ خطرناک ثابت ہو سکتا ہے۔
