غزہ میں صیہونی جارحیت نہ تھم سکی،مزید 80فلسطینی شہید،شہداء میں خوراک کے منتظر 34فلسطینی بھی شامل

غزہ : اسرائیلی افواج کی جانب سے غزہ پر حملوں کا سلسلہ جزوی جنگ بندی کے اعلان کے باوجود نہ رک سکا۔ تازہ فضائی اور زمینی کارروائیوں میں مزید 80 فلسطینی شہید ہو گئے، جن میں وہ 34 افراد بھی شامل ہیں جو خوراک کی تلاش میں قطار میں کھڑے تھے۔
مقامی صحت حکام کے مطابق شہداء کی مجموعی تعداد 60 ہزار سے تجاوز کر چکی ہےجن میں بڑی تعداد خواتین اور بچوں کی ہے۔ جاری حملوں اور ناکہ بندی کے باعث غزہ میں انسانی بحران نئی شدت اختیار کر گیا ہے۔ خوراک، پانی اور طبی امداد کی شدید قلت کے باعث بھوک و افلاس نے ڈیرے جما لیے ہیں۔
غذائی قلت کی وجہ سے پانچ معصوم بچوں سمیت مزید 14 افراد جان کی بازی ہار گئے۔ اسپتالوں میں سہولیات نہ ہونے کے باعث زخمیوں کا علاج ناممکن ہوتا جا رہا ہے جبکہ متاثرہ علاقوں میں امدادی کارروائیاں بھی تعطل کا شکار ہیں۔
ادھر مغربی کنارے میں بھی اسرائیلی فورسز کی کارروائیاں جاری ہیں۔ معروف فلسطینی سماجی کارکن اور استاد عودے محمد صیہونی فورسز کی فائرنگ سے شہید ہو گئے