ٹرمپ نے سچ کہا، بھارتی معیشت مردہ ہے ،راہول گاندھی

امریکی صدر کےبھارتی معیشت کو ’’مردہ ‘‘ قرار دینے پر راہول گاندھی کا موقف سامنے آگیا۔گزشتہ روز امریکی صدرڈونلڈ ٹرمپ نے بھارتی معیشت کو ’’مردہ‘‘ قرار دیا ۔

بھارت پر 25 فیصد ٹیرف کے ساتھ ساتھ روس کے ساتھ تعلقات پر جرمانہ بھی عائد کردیا گیا۔اپوزیشن رہنماؤں نے اِسے مودی حکومت کی ناکام خارجہ اور معاشی پالیسی سے تعبیر کیا۔بھارتی معاشی تجزیہ کاروں کی طرف سے سخت مایوسی کا اظہار کیا ۔

اپوزیشن لیڈر راہول گاندھی نے کہا کہ’’ ٹرمپ نے سچ کہا ہے، بھارتی معیشت مردہ ہے اور اگر یہ بات کسی کو نہیں معلوم تو وہ ملک کے وزیراعظم اور وزیر خزانہ ہیں‘‘۔راہول گاندھی نے کہا کہ صدر ٹرمپ نے ایک حقیقت کو بیان کیا ہے، مودی صرف صنعتکار گوتم اڈانی کے مفادات کے لیے کام کرتے ہیں۔

انہوں نے مزید کہا کہ آج بھارت کے سامنے اصل مسئلہ یہ ہے کہ حکومت نے ہماری معیشت، دفاع اور خارجہ پالیسی کو تباہ کر دیا ہے۔