ویلنگٹن :نیوزی لینڈ کے وزیراعظم کرسٹوفر لگزن نے آک لینڈ میں منعقدہ پاکستان کی جشن آزادی کی تقریب میں خصوصی شرکت کی۔نیوزی لینڈ کے وزیراعظم نے پاکستان کو جشنِ آزادی کی مبارکباددی
ترجمان دفتر خارجہ کے مطابق تقریب میں نیوزی لینڈ کے دوسرے وزیر اور سابق وزیراعظم بھی شریک تھے۔ تقریب سے خطاب میں نیوزی لینڈ کے وزیراعظم نے پاکستان کو جشن آزادی کی مبارکباد دی۔
انہوں نے دونوں ملکوں کے درمیان دیرینہ تعلقات کا حوالہ دیتے ہوئے نیوزی لینڈ کی ترقی کے لئے پاکستانی کمیونٹی کے کردار کو سراہا۔
تقریب میں نیوزی لینڈ کے اپوزیشن لیڈر اور سابق وزیراعظم کرس ھپکنز نے دونوں ممالک کے تعلقات کو مضبوط بنانے میں پاکستانی کمیونٹی کے کردار کی تعریف کی۔تقریب میں ثقافتی پرفارمنس اور ملی نغمے بھی پیش کئے گئے۔
