لاہور:یوم دفاع پر مزار اقبال لاہور پر گارڈز کی تبدیلی کی پروقار تقریب ہوئی ۔کور کمانڈر لاہور لیفٹیننٹ جنرل فیاض حسین شاہ تقریب کے مہمان خصوصی تھے۔کور کمانڈر لاہور نے مزار اقبال پر حاضری دی ۔پھولوں کی چادر چڑھائی اور فاتحہ پڑھی ۔مہمان خصوصی نے مہمانوں کی کتاب میں اپنے تاثرات بھی قلمبند کئے ۔
صوبائی دارلحکومت لاہور میں عید میلادالنبی ﷺاور یوم دفاع کا آغاز اکیس توپوں کی سلامی سے ہوا ۔ پاک فوج کے چاق وچوبند دستے نے توپوں کی سلامی دی ۔فوجی جوانوں نے اللہ اکبر پاکستان زندہ باد اور پاک فوج زندہ باد کے نعرے لگائے ۔ توپو ں کی سلامی سے پہلے قرآن پاک کی تلاوت اور ملکی سلامتی اور یکجہتی کیلئے دعائیں بھی کی گئیں۔
