پاکستانی خواتین کوہ پیماؤں نے گلگت بلتستان کی 5،400 میٹر بلند’’ بری لا ‘‘چوٹی سر کر کے تاریخ رقم کردی ہے۔
ملک کے مختلف علاقوں سے تعلق رکھنے والی خواتین کوہ پیماؤں نے دیوسائی ٹاپ پر تربیت اور ہائیکنگ کی مشقیں کیں۔ معروف کوہ پیما ساجد سدپارا، اشرف سدپارا، فدا علی اور شریف سدپارا نے ٹیم کی رہنمائی کی۔کوہ پیماؤں نے اپنی 4 روزہ مہم 7 ستمبر کو اسکردو سے شروع کی اور 10 ستمبر کو کامیابی کے ساتھ چوٹی سر کرلی۔الپائن کلب آف پاکستان کے مطابق یہ کامیابی خواتین کی ہمت، عزم اور صلاحیت کا مظہر ہے۔
