غزہ:غزہ پر قابض اسرائیلی فوج کے حملوں میں53فلسطینی شہید ا ور سینکڑوں زخمی ہوگئے۔اسرائیلی فضائیہ نے شمالی غزہ میں رہائشی عمارتوں اور پناہ گاہوں پر بمباری تیز کر دی ہے جس کی وجہ سے بے گھر فلسطینیوں کو محفوظ جگہ منتقل ہونے کا موقع تک نہیں مل رہا ۔
تازہ حملوں میں غزہ کے جنوب مغرب میں واقع پبلک پراسیکیوشن بلڈنگ کو بھی نشانہ بنایا گیا ۔غزہ کے مغربی علاقے نصیرات سے ہزاروں افراد کا انخلا جاری ہے تاہم اسرائیل کی مسلسل بمباری اور جبری انخلا کی دھمکیوں کے باوجود 13 لاکھ سے زیادہ فلسطینی اب بھی غزہ سٹی اور شمالی علاقوں میں موجود ہیں۔
فلسطینی میڈیا کے مطابق بھوک اور پانی کی قلت کے باعث بھی روزانہ کی بنیاد پر فلسطینی جان کی بازی ہار رہے ہیں ۔ادھراسرائیلی وزیراعظم نیتن یاہو نے ایک بار پھر دھمکی دیتے ہوئے کہا کہ حماس رہنما غزہ سے متعلق فیصلوں میں بڑی رکاوٹ ہیں۔حماس رہنماؤں کا خاتمہ کرنا ہوگا جبکہ امریکی وزیر خارجہ مارکو روبیو نے کہا ہےکہ قطر میں حالیہ واقعات پر صدر ٹرمپ ناخوش ہیں۔
