اسلام آباد:پاکستان نے غزہ کے لیے صدرٹرمپ کے امن منصوبے پر حماس کے ردعمل کا خیر مقدم کیا ہے۔
ترجمان دفتر خارجہ شفقت علی خان نےاپنے بیان میں کہا ہے کہ صدرٹرمپ کے امن منصوبے پر حماس کے ردعمل کا خیر مقدم کرتے ہیں۔
تر جمان نے کہا کہ اسرائیل فوری طور پر غزہ پر حملے بند کرے۔ترجمان نے کہا کہ حماس کا اقدام فوری جنگ بندی کو یقینی بنانے ، فلسطینی قیدیوں کی رہائی، انسانی امداد کو یقینی بنانے میں مددگار ثابت ہوگا۔
ترجمان نے زور دیا کہ حماس کا ردعمل دیرپا امن کی طرف سیاسی عمل کی راہ ہموار کرنے کا اہم موقع ہے۔انہوں نے کہا کہ پاکستان غزہ میں امن کے لیے صدرٹرمپ کی کوششوں کو سراہتا ہے۔امید کرتے ہیں کہ حماس کے ردعمل کےنتیجے میں پائیدار جنگ بندی ہوگی۔
ترجمان نے کہا کہ پاکستان امن کے اس عمل میں اپنا تعاون جاری رکھے گا۔پاکستان فلسطینی کاز کے لیے اپنی اصولی حمایت کا اعادہ کرتا ہے۔
