عالمی شہرت یافتہ کرسٹیانو رونالڈو دنیا کے پہلے کھرب پتی فٹبالر بن گئے۔امریکی جریدے ’بلوم برگ‘ نےتازہ ترین بلینیئرز انڈیکس میں رونالڈو کی مجموعی دولت کا تخمینہ1.4 ارب امریکی ڈالرز لگایا ہے، جو پاکستانی کرنسی میں 3 کھرب 93 ارب روپے سے زیادہ بنتی ہے۔
40سالہ فٹبالر کی مالی کامیابی کا یہ سفر اس وقت مزید تیز ہوا جب انہوں نے جون میں سعودی کلب ’النصر‘کے ساتھ400ملین ڈالرز سے زائد مالیت کا نیا معاہدہ سائن کیا۔2023 میں مانچسٹر یونائیٹڈ سے سعودی کلب النصر منتقلی نے رونالڈو کو فٹبال کی تاریخ کا سب سے زیادہ معاوضہ لینے والا کھلاڑی بنایا۔ان کا یہ سالانہ معاہدہ 177 ملین پاؤنڈز مالیت کا تھا۔
رونالڈو اب ان چند کھلاڑیوں کی فہرست میں شامل ہو گئے ہیں جو کھیل کی دنیا میں ارب پتی بنے ہیں، جن میں مائیکل جارڈن، میجک جانسن، لیبرون جیمز، گالفر ٹائیگر ووڈز اور ٹینس اسٹار راجر فیڈرر جیسے نام شامل ہیں۔
