اسلام آباد:وزیراعظم محمد شہباز شریف نے جیالوجیکل سروے آف پاکستان کی جدید ترین جیوسائنس ایڈوانسڈ ریسرچ لیبارٹریز کے اپ گریڈ شدہ کمپلیکس کا افتتاح کر دیا۔
فیلڈ مارشل سید عاصم منیر،وفاقی وزراء اور ممتاز غیر ملکی شخصیات نے تقریب میں شرکت کی۔جیالوجیکل سروے آف پاکستان کے حکام نے اپ گریڈیشن اور سرٹیفیکیشن کو معدنیاتی شعبے میں سرمایہ کاری کے فروغ کے لیے نہایت اہم قرار دیا ہے۔
یہ اقدام معدنیاتی تحقیقاتی صلاحیتوں میں ایک نمایاں اضافہ ہے۔1991 میں فراہم کی گئی سہولت کو اب بین الاقوامی معیار کے مطابق مکمل طور پر جدید خطوط پر استوار کیا گیا ہے۔
چک شہزاد میں موجود یہ کمپلیکس بین الاقوامی کان کنی کمپنیوں اور مالیاتی اداروں کو بڑے منصوبوں کے لیے قابلِ اعتماد ڈیٹا فراہم کرے گا۔
