پشاور میں موٹرسائیکل سوار خاتون نوجوان سے موبائل چھین کر فرار

پشاور : صوبائی دارالحکومت پشاور میں موٹرسائیکل پر سوار خاتون راہ گیر نوجوان سے موبائل فون چھین کر فرار ہوگئی۔

پشاور کے علاقے گلبرگ میں راہ چلتے نوجوان سے موٹرسائیکل پر مرد کے ساتھ سوار خاتون موبائل چھین کر فرار ہوئی۔

واردات کے وقت راہ گیر نوجوان موبائل فون پر بات کرنے میں مصروف تھا۔

واقعے کی ویڈیو سوشل میڈیا پر وائرل ہونے کے بعد پولیس نے خاتون کی شناخت کے لئے ٹیم تشکیل دے دی جبکہ واقعے کی رپورٹ درج کرلی گئی ہے۔